في البداية احب اعتذر عن غيابي في الاسابيع القليله الماضية. اخر اسبوعين كان من عينة “الجحيم”. اخر اسبوعين في الفصل الدراسي وضغط الاختبارات والتقارير (وآه ه ه من التقارير ) نستني ان من الممكن استخدام الكمبيوتر لغير الدراسة.:)

من يوم الجمعه بدأت اجازة الايستر (عيد الفصح بالعربي:))، وبعد يومين من تعويض بعض من ما فاتني بعلق كم تعليق بسيط على بعض الاشياء اللي شدتني.

( تصوير احمد القاسم)

الغبار في الرياض السنة هذي له ثلاث تفسيرات اعجبتني جدا، الاول هو ان الغبار من الاتحاد السعودي لكرة القدم بعد تأهل النصر لدوري ابطال اسيا ، الثاني هو ان الشخص المدعو يوسف الاحمد ” ما راح اسميه شيخ مدونتي وبكيفي:)” فتح مخه وحاول يفكر وتسبب في كومة الغبار الي غطا الرياض ما طلع الا بفكرة هدم الحرم وبنائه من جديد على ستايل مطاعم بيتزا هت عزاب وعوائل!!. التفسير الثالث والاهم هو ان اخويانا (آلمسئوليين) ماتعلموا من غبار السنة الماضية وغبار المدن المجاورة وحتى احداث جدة اي شئ ( علموا الناس، تحذير ، انذار ، اي شي لو مسج).

الا على طاري احداث جدة، لجنة تقصي الحقائق صار لها اكثر ثلاثة شهور والى الان مالقت احد متهم!!. يعني اتوقع ان نص سكان جدة يعرفون المتهمين واحد واحد بس اللجنة مالقت احد!!.

.

.

معرض الرياض الدولي للكتاب يبدو لي انه عدى على خير هل السنة مع العلم اني كنت متوقع بلاوي بتصير خصوصاً بعد حادثة النادي الادبي في الجوف.

اعتقد ان رواي ترمي بشرر لعبده خال كانت هي الحدث الاميز في هل المعرض بعد ما سمعت “سمعت” ان الناشر اخفاها في اول ايام المعرض بحجة منعها من الوزارة .

.

.

استقبال الملك عبد الله للشيخة موزة المسند حرم امير قطر و تواجد العنصر النسائي في اوبريت الجنادرية و وافتتاح سينما جامعة الملك عبد الله كلها تدفع للتفائل في مستقبل هل البلد وانه ممكن نصير طبيعيين قريباً.

وعلى نفس موجة زيارة الشيخة موزة للملك عبد الله قرأت خبر الحكم على سيدة بالجلد ١٠٠ جلدة لانها زارت المحكمة بدون محرم ( طيب اجلدوا موزة !!)

.

.

الهلال انهى الدوري بمجزرة اتحادية غريبه، و الشباب حقق رقم قياسي في غرفة العلاج، والبلطان ايقض المارد النصرواي. والفتح قبلة على راس من يدير هل النادي وعلى المستويات الرائعة اللي قدموها هل الموسم.

.

.

iPadقادم في بداية شهر ابريل، وانتظر وصوله في اول اسبوع وراح اكتب تقرير عنه فور وصوله ان شاء الله .

.

.

اذا فيه شي فاتني في الاسبوعين الماضيات دلوني عليه…:)

تحياتي